Transcription
1
Monseigneur, despuis que je suis arrivé en ceste ville, de retour de Brianson, je
2
vous ay faict une despeche pour vous faire entendre lestat des affaires de ce pays et
3
comme le ministre Guerin et ceulx de la religion de Molines font fortiffier leglise dudit
4
lieu pour se rendre maîtres de la vallée de Queyras et du passage de Château daulphin,
5
de marquisat et de Saluces. Ce jourdhuy nous avons receu en ceste ville ung pacquet
6
de monsieur de La Cazette et vous ay envoyé incontinant par la poste les lettres
7
quil escript à votre dite seigneurie et celles quil m’escript, aussi ceulx de la vallée
8
de Queyras, au moings les jeusnes, si la guerre continue, delibèrent de ce declarer
9
pour le service du roy, encores que jusques à present, ilz se soyent renduz et
10
monstrés refroydis, quelques commandemens que lon leur ayt faictz. Et pour
11
cest effaict, il vous plairra veoir une lettre que nous a esté escripte comme à
12
monsieur de La Cazette et à moy, messeigneurs de la court dernierement m’envoyarent
13
commission à Brianson pour former le procès de ceulx de la religion de Molines
14
qui se sont ainsi eslevés et sans la force, les decretz de la justice ne se
15
peuvent exploicter, laquelle force feust commise par vous, monseigneur, à
16
monsieur de La Cazette, lequel a volleu retarder son execution à cause de la suspension
17
darmes intervenue, craignat alterer les affaires de par deça et d’atenter quelque
18
chose au preiudice de ladite suspension. Comme nous vous fimes entendre dernierement,
19
nous sommes atendant ce quil vous plairra nous commander pour le regard si
20
la guerre continue après la suspension darmes finie ; et atendant de recepvoir voz
21commandemens [barré : je suis prest à vous obeyr et à cest endroict ] je fineray la presente
22
me recommandant à votre bonne grace, suppliant le Createur vous donner
23
monseigneur, en prosperité vie longue. De Grenoble, ce XIIIe febvrier 1574.
24
Votre très humble et obeissant serviteur
25
Guilh[aum]e eme